يا عشق الزميلي سريع الهوايا .. ممدوح العضيباوي #عشق #الفراق #الطيب #عمري #ابراج #تايب #طبع_البشر

طبع البشر يخطون ياسيد الاحباب

وانته وانا متبادلين الخطايا

مافات مات وكل شي له اسباب

وعلي بعدك مثل حوض المنايا

حيث ان حبك يا اريش العين غلاب

يا عشق الزميلي سريع الهوايا

عرضت لي رمحن حمر كنه مشهاب

واصبحت ما باقي لصبري بقايا

تجرت بك من دون ربعي والاصحاب

ماطعت فيك مكثرين الحكايا

وذقت الفراق وخاطري منك ماطاب

واسرجت مثل مسودسات الحذايا

قوافين ماطاوعت كل ركاب

الا لمثل مقحمين السبايا

انا وريث اهل الفعايل والاداب

وتهدا الخلود ضمن الهدايا

حيث ان حنا ستر تلعات الارقاب

واقصى هواهن في جميع النحايا

تشهد لنا الحكام وشيوخ الاعراب

ياللي بحثتي بالفراق الخفايا

الناس فيهم زارع الطيب ماخاب

وان خاب هذا عكس بيض النوايا

مالي على غيرك مشاريه وعتاب

قدمت لك ثلثين عمري عطايا

واللي بقى ثلث له الوجد جذاب

يبني لك ابراج ومدن وقرايا

ادعيك داعي تايب تو ما تاب

داعي وفا ماهو بداعي حمايا

مير البلا لا يمسي البين بغراب

ياما غراب البين سوى سوايا

وامر الله البادي على كل من غاب

علام ماتخفي صدور البرايا