ياقوك وقو قلبك على نقض العهود

ياقوك وقو قلبك على نقض العهود
 ما تعلمت كيف قلبك تطرد منه السواد
كم مره قتلت الحلم في عمر  الورود
واستلذيت موت الافراح برماح  العناد
كل همه بين الاحباب ماينقص يزود
وان تعدى موسم العشق يكفيه  الحصاد
ما تقيد بالمساحة ولا عنده حدود
خطوته للنار تسعى وترجع  للرماد
وانت تضحك مقتنع فيه راضي بالجحود
مادريت انك بتبكي على صدر  الرماد
ياضعيف ان كان قلبك على قلبي حقود
انتبه والسن بالسن في وقت السداد
مايعيش الحر صابر على فرض  القيود
في حياته صحوة العز ماترضى  الحياد
يستغيث بقوة العزم في درب الصعود
وان سرى مايمرح الا على ظهر الشداد
أي نعم ماقابل الظلم في نظرة برود
ولعت واليوم خذها مثل قدح  الزناد
ذوقها واستعذب المر من كف  الصدود
لين تعرف خط سيرك وترجع  للرشاد
المحبه مالها الا مواثيق  وعهود
والنوايا مشرق الوجه والحب  اجتهاد
والخطايا تجعل الشوق ينتابه  جمود
وانت عبره من عرفها تعلم  واستفاد
هذي الدنيا على الناس مع مر  العقود
قلب ينعم في حياته وقلب في  جهاد
ويشهد الله جيت مخلص وكرست الجهود
بس شفت الكائن الحي متحول  جماد