هيضتني يامهيض الفكر والهيض وارضيتني لو كان مانيب راضي

هيضتني يامهيض الفكر والهيض

                     وارضيتني لو كان مانيب راضي

سريتني مع هاجس الغيض للغيض

                      لا شيخ مرضيني ولا حكم قاضي

امروضن نفسي على الصبر ترويض

                    لا حتجت من بعض المقاضي مقاضي

بيني وبين العدل والحق تفويض

                      على السنين العوج حاضر وماضي

من حرمابي يمتلي الصدر ويفيض

                      بايع وشاري لكن الجيب فاضي

اقفى عجاج الوقت مع واهج القيض

                        والبرق شافو بارقه يوم ناضي

درسن حفظته حفظ من غير تحفيض

                        الوقت قاضاني وانا منه قاضي

ياكثر مافضفضة لاحتجت تفضيض

                       حالي وحال اللي من الكي جاضي

لاوالله الا روحن سودنا بيض

                         يا الله بالجنه وخضر الفياضي

لقفى ربيع العمر مافيه تعويض

                         حكم القدر مالي عليه اعتراضي