وابشر انا ضرغام شمر السلاطين واطاَ على ماكان بالرجل يوطاه

ابو حنان البارحه خاطره شين

يلعب به الهاجوس عندي اوسراه

سوا به اسواتن وانا شوف بالعين

يقفي اويقبل والعشا ما تعشاه

ماغير يومي به من يسار ويمين

وامنين ماجيته عجزت الحق اقصاه

لاشك طبعي والطبع خابره زين

اتعب على شرواه ولاحتجته القاه

مايختلف رايي ورايه من اسنين

ذيبن إلامنه عوا جيت لعواه

وابشر انا ضرغام شمر السلاطين

واطاَ على ماكان بالرجل يوطاه

لا ثار من روس الجبال البراكين

اتذوب اللي يعترض خط ممشاه

وان كان فيها شك هاك البراهين

هذا خطابي واحفظه زين واقراه

غيرك امعلم وانت راس العناوين

افطرت مافطرنا وهمك شربناه

ماجاك جاني امس واليوم والحين

بيَّنتْ سري لك بعد مادفناه

انا اوفكري والهواجيس صفين

نوبن اتقوده قود واحيان تقفاه

حتى اذن المذن وصلى المصلين

كلن سجدله يطلب العفو وارضاه