اخاف الوقت يسرقني وانا في زحمة النسيان

اخاف الوقت يسرقني وانا في زحمة النسيان

وتذبل وردة اسنين العمرفي صدر ساقيها

دعاني هاجس الذكري وماكن للخيول اعنان

وانا قبل اتحيزم رحت اهجرسها واغنيها

اجاريها على المعنى وانا اشكي لوعة الحرمان

وانا لي وقفتن مابين بايعها وشاريها

حكاية بايع الورده وقصة زهرة الريحان

من اغلى الورد والجوري اسميها باساميها

بدايت شعلة الثوره نهاية عالم الطغيان

تمرد في صفوق المعركه وابليس معميها

يمر احيان طاري مايحرك ساكن الشريان

ياكود الطاري اللي لاعترض ساري يسريها

مابين الخوف واحلامن تزعزع صفوت النعسان

ومن جرب ظروف الوقت ياخذها ويعطيها

صحيح التجربه برهان وظروف الحياه الوان

ومن يعرف مباديها يعرف اشلون يبنيها

لقيت ابيوت مهجوره بلا شارع ولاعنوان

هجرها من يخون البيت والهجره واهاليها

وعرفت ان الظروف اللي تكدر خاطري العمسان

ظروفن مالها غير الجفا والوقت جافيها

نحسب احساب مخرجها قبل ندخل مع البيبان

نخاطب عاقل اصحاب الوفاء باسلوب يرضيها

نقدر من يقدرنا وكيل الكيل بالميزان

ونرقب عقرب الساعه دقايقها اوثوانيها

انا قبطان هالمركب وانا الكبتن وانا الربان

وانا من يبحر اويرسي ليا احتاجت مراسيها