يا صبر بعض الناس لا صار أمغصوب

يا صبر بعض الناس لا صار أمغصوب

                   والذاهبه توه إيفك اجلالها

والنار شبت والعبت فيها الهبوب

                   واجمالها عيت تشيل احمالها

قامت تفتق من شمال ومن جنوب

                  من قربها يبرى لها ماحتالها

طرقي ولاله فالنشب هو والنشوب

                  قفى وهي قفت تجر احبالها

من خالها بهلالها وقت الغروب

                  من حبها غصبن شرب فنجالها

لاباعها الدلال غالب وامغلوب

                   والرابح اللي جالها واشتالها

لاحكت اليسري بطن يمنى كسوب

                 لقحت وجابت من ظهرها اعيالها

البنت لا تاكل ولا اتحب الشروب

                 صامت شهرها لين يهل اهلالها

فيها ثلاث اخوان خاطب وامخطوب

                كلن يبي المخلاص من مدخالها

ياصغرها ياهونها ياهل القلوب

                 للشاه ذيب وللفرس خيالها