اه من ما جرا وظروف اتحداه
وش تستاهل الدنيا من اهاتي
اه حتى الكلام اللي على معناه
يستوي عند بعض الناس واسكاتي
اه عقب الموادع راح ماشفناه
واه بعد المفارق كان ما ياتي
ياجودي على وقتن مضى وجداه
مرني قبل حرماني ولوعاتي
انتسلى وغيب الوقت مانقراه
واصبح البعد بين الذات والذاتي
صار كلن يجرب هجر ومعاناه
واصدقانا تعاني من معاناتي
ودي انساه لكن ماقدرت انساه
يوم يطري علي تهل عبراتي
مثل وبل السحاب اللي غزيرن ماه
واقعن عشت به واشغل فراغاتي
من صدوق الشعور اسجله ممحاه
فوق صفحن عليها اجمل عباراتي
مايردد على مافات ياعزاه
غير غاية حبه من بد غاياتي
ادعج لا وطى بر المحول احياه
جمله والي الاحياء والامواتي
تمم الجسم داه وباخلن بدواه
واحتري منه ساعات المسراتي
انضم الشعر فيه ولا وصلت اتلاه
يعجز اغلى قصيدي فيه وابياتي
اه قافي بدا واتلاه مليون اه
مابقى الا سلامي والتحياتي
0 comments:
إرسال تعليق