لا شفت من بعض الصحايب عذاريب

 https://www.youtube.com/watch?v=UjnPUBWrBIA

لا شفت من بعض الصحايب عذاريب

                   اصد يابن فهاد وافتح لها الباب

وادور ارجالن تعز الاشانيب

                 كلمتك محسوبه ويوخذ لها احساب

اوبقعا اليا صكت عليك الكلاليب

                 جتك الرجال امفتلت عوج الاشناب

والموت لاجت من خويلك وقريب

                    كيف اتناسا والحشا مابعد طاب

ناسن تحب الكذب وادور العيب

                    فيهم ردي النفس وايموت ما تاب

وش قرب انجوم السما للدغاليب

                    دغلوب والدغلوب رزقه من اتراب

ورزقي على الله عالم السر والغيب

                   منشي السحاب اورازقن كل مخلاب

وألا انت ما بيني وبينك مناديب

                     كريم سبلا والرجا فيك ما خاب

والله يعزك يارفيع المراقيب

                     عساك تبطي حي والراس ماشاب