سلامي للرفيق اللي عرض رقمه على الجوال
وانا في زحمت التفكير وهجوسي مسريها
جنوبيه وغربيه تتابع نشرت الاحوال
شماليه وشرقيه كفا الله شر تاليها
على ديرت جهاز البوصله خلف الجبال اجبال
ورا ذيك البحورالهايجه والليل قافيها
انا خابرك فاهم حالي الدعوى غثاها طال
عسى الله لايقرب ساعتن نرمي ونعميها
ثلاث ايام اداورها ولا عينت لي مدخال
مع ان ابليس قدامي يبيع ويشتري فيها
سحابت صيف ماتحيي لو ان العرق منها سال
ولاتنبت لها ريفن رياض العمر يحييها
لان الوقت غيرالوقت وفي قلوب العرب سلال
بعضها ياكل اجنوبه لو اعيونه مغطيها
وانا رجلن وعرف السوق مشري سلعت الدلال
ادورها مع اللي لاشراها ما يطريها
يقدمها هديه وان عصا ندفع كثير المال
على شان الكريم احيان يخجل ثم يغليها
على يمت هواء رجلي مسيري والرجال ارجال
نظيف الثوب وعقالي على الغتره امحليها
ولاتبعد ولاتقرب ولاتنزل لها منزال
ومن يبحث لها موضوع يبلش في معانيها
0 comments:
إرسال تعليق