على متن السحاب اللي سرابي والعباد ارقود

على متن السحاب اللي سرابي والعباد ارقود

طواني طيت المعصار والهاجوس سراني

تمنيت الرفيق اللي أليا من جاد بالماجود

عريب الجد شاش وحام سيف الحق سلطاني

صنديد عز مايهاب وسلايل قوم مجد وجود

أليا ضاقت بك الدنياء وكشرناب سرحاني

تحيزم بالحزام اللي فتيل ازناده البارود

اليا مال الدهر والحال من زودن بنقصاني

ودنانير الذهب تكشف هوية حامل الممهود

اخفيها عن السراد والهربيد بو الساني

عليك ابمن ليا جيته حمل همك وحل اعقود

جبل شامخ وراسي لو يلين الصلب مالاني

وبعض الناس لاجيته مع الوفقه يجي مقرود

يطوف اشياء وبعض اشياء تجاهلها وينساني

وأناماني خوي اللي يبى الدنياء أسهود أمهود

ولاجت ساعة الفزعه قصر مني ولاجاني

وانا من طاب لي جيته بمسك وعنبرن مع عود

مثل خوت كريم الجاه عز الضيف والعاني

ومن لايزرع المعروف مايحصد مع الحاصود

يجيك بسو بذرت سو ساس ابليس شيطاني

عسى رجلن يبي ينكرمعاريف الكرم والجود

ولايذكر فعايل طيبين العرف والشاني

ثعل ماياصل الهقوه وفعله ماعليه اشهود

ولاياصل مواصيل الرجال اطوال الايماني

وباب الغيث مفتاح الحياء برقن تلاه ارعود

وانا افخر بالرفيق اللي تحيزم لي وجاراني

سلامي للرفيق اللي وفالي والعهد معهود

وبيت العز يبغي له مع الاطناب عمداني