انت ليا من ضقت دقيت الأرقام

انت ليا من ضقت دقيت الأرقام

وتدري ليا من جيتني ما جفيتك

أنا بليل الضيق لك درع وحزام

وأنت تزيد جراح قلبي فديتك

وأنا ليا من ضقت سجيت الأقدام

في ليلتن ظلما ومريت بيتك

أمر وأطالع وأنا حيل منظام

ودي أجي وأقول لك مانسيتك

مشاعري صارت عقب هجرك أيتام

من كثر ما حطمتها لا بغيتك

تثور فيني ثورة احساس وأحلام

وتموت اذاني جيت لك ما لقيتك

من كثر ما تشكي علي جرح والام

أنا معك ما فيه يومن شكيتك

وش فايدة عشقن غدا كله أوهام

وش فايدة شوقن يموت ان نصيتك

قلبي عن احساس الهوا والغلا صام

خلاص لا ترجع تراني سليتك

أنا مثل طيرن نفض ريشه وحام

وانت مثل صفحة كتاب وطويتك