قامت تعض الشفايف / ممدوح العضيباوي | وظائف واعمال

قامت تعض الشفايف / ممدوح العضيباوي

التعليق
جتني تجر الخطا وتقول علمن وكاد
وعظامها ترتجف والدمع فعيونها
هديتها مير زادتني جروحن جداد

قامت تعض الشفايف عض بسنونها
وتقول مالله كتب والله مقدر واراد

والملكه اليوم قالولي يتمونها
من علمها الارض راحت كلبوها سواد

وازريت لا امنع عيوني وطاح مخزونها
قلت ارحميني ترى جروحي بليا ضماد

وجروحي الناس عجزو لايداوونها
مير اصبريلي واخليها عذاب وهجاد

وعز الله ان عشت ما والله يسوونها
قالت دخيلتك تكفى من كلام العباد

ماهو ولد عمها ليش احتمى دونها
لكن قرب ووادع يوم حان البعاد 

واقفت وهي باكيه تمشي على هونها
بغيت لي كلمة ٍ خليتها بالفواد

اخاف لاقلتها العذال يوحونها
عقب موادعك وش لي بالبلد والبلاد 

با هاجر لديرتن ماهم يعرفونها
ديرتك فيها المفارق والبكا والنكاد

وفيها تعذبت ونفسي باح مكنونها
لا بارك الله في ليل الشقا والسهاد

ويسامح الله عين دموعها تخونها
تلبس ثياب الفرح والا ثياب الحداد

في ليلتن ظالمه ووساعن طعونها
شين كتبه الولي والله مقدر واراد

الله ييسر لها ويكون في عونها
كنيتها وقلتها عقب العنا والجهاد

لو تهرج الناس صاحيها ومجنونها
انا شقين من ايامن مضت ماستفاد

لي قصتن عجزو العذال ينسونها

0 comments:

إرسال تعليق