جعل عيني فدا عين بكت في غيابي / ممدوح العضيباوي

كل ماجيت ابسلى واتناسى غلايه
جدد الليل همي واشترك في عذابي
لو شكيت وبكيت الناس تجهل بكايه
جعل عيني فدا عينن بكت في غيابي
كانت اجمل غرام وصارت اتعس حكايه
حولتها الظروف وكل عاذل حكابي
ليتني ماعرفت الحب فأول بدايه
كان ماضاع عمري وانجرحت بشبابي
جرحن ازريت فيه وجرح داخل حشايه
آه ما اكثر جروحي يجبر الله مصابي
كان للحب لذه .. كان شعري هوايه
صار حبي عذاب .. وحرف شعري غدابي
تهت وازريت لا القى للمحبه نهايه
غربتني وزادت غربتي واغترابي
ياليالي على هونك اخذت الكفايه
مالقيت الصحيب اللي يعالج صوابي
واسرفو في عذابي ناقلين الوشايه
مابقى فالاوادم واحدن مادرابي