متى الليالي توقف بك على بابي / ممدوح العضيباوي

يا غايب ابطيت ماندري وش النيه
والنوم عقبك سرى ما زاور اهدابي
مدري الظروف اسمحت عن طاري الجيه
والا بلا اسباب غايب يا اخر احبابي
حيرتني معك وعروقي هواويه
والشوق يا جاهله وشلون سوابي
حطيتلك في حشايه جمرتن حيه
منها الضلوع اكتوت واحترقت اعصابي
من حرها بينن تاثيرها فيه
خلتني اضيق واتضايق من ثيابي
لا نامت العالم عيوني شقاويه
ما تستلذ الكرى والنوم باسبابي
عودتها شوف حسنن ماخلق زيه
ليت الولي خالقن مثله من اقرابي
يا غايب أملت فيك احلام ورديه
ضيعتها في وجيه اعداي واصحابي
ليت الليالي تدور وترجعك ليه
والا على ديرتك تاخذني ركابي
ياللي لك بقلبي الملتاع ماريه
متى الليالي توقف بك على بابي