الاوادم ما وراهم معوشه / ممدوح العضيباوي

يا كثر ما حشنا ويا كثر ما راح
واللي يروح أكثر من اللي نحوشه
ما قط حسبنا للخساير والارباح
يوم الردي ما همه إلا قروشه
أكرام فالمده وفالمنه شحاح
ووجيهنا وليا عطينا بشوشه
والا الردي فعله تقفته الامداح
مخباه حالفتن يده ما تنوشه
نكرم وحنا في رجا محي الأرواح
الخالق اللي سامياتن عروشه
يالله برزقن ينكتب وسط الألواح
والا الاوادم ما وراهم معوشه
دنيا تبى صبر وتبى جهد وكفاح
منها معاليق الفؤاد محشوشه
كم واحدن عقب العلا فالوطى طاح
وكم حاكمن داست بعرشه جيوشه