من عاش قسوات الزمن وأختباره
تلقى الاجابه منه لأصعب سؤالي
يبين وسط الناس مثل المناره
وتضرب به الأمثال لا جاء مجالي
عكسه هو اللي مختفي وسط داره
ساكن ولا يدري بدور الليالي
لامن نوى يخرج وقرر قراره
كنّه يقاوم غزو جيش أحتلالي
مصيبته كبرى اذا شاف جاره
يعمل حساب شلونكم والعيالي
شفت القهر والضيم وقت الزياره
جيت اتفقد من يحب الوصالي
وقابلت منهم نوع لا وخساره
حاولت ابين وقتها ماجرالي
مكتوب لي واشوف يوم أنتحاره
في لحظه تجرح قلوب الرجالي
ماكنت عارف وجهته مستعاره
واني انا متخلف في مجالي
سبحان من سخر من الغرب غاره
بسبابها صارت يمينه شمالي
من يسلك دروب ن بها العز شاره
تركز له البيضاء على كل عالي
خيبت ظنه يوم فيني نعاره
عادات وسلوم ن تهز الجبالي
عشت بدوي واليوم ساكن عماره
من فضل من ينشي صدوق الخيالي
والله بدو مهما حصل من حضاره
أصل وعزه ترفع الرأس عالي
يشهد لنا ليل ن يخالف نهاره
وتشهد لنا سبعة نجوم عوالي
ويشهد لنا روضن يشعشع زهاره
فيه الزهر زود جماله جمالي
دامه نسى العادات وأخلف مساره
فانا افتخر فيها وهي رأس مالي
0 comments:
إرسال تعليق