عزي لمن هو دمعته فوق خده

لمشاهدة كل حصري موقعنا 
 http://bit.ly/2FWg419 
اشترك بالقناة
 http://bit.ly/2ttK5mr 
تويتر
 http://bit.ly/2uWTXWc 
انستقرام 
 http://bit.ly/2RsPXEB 
فيسبوك 
 http://bit.ly/2NzOzi3 
سناب
 http://bit.ly/35YnL1y


تدرون ويش اللي يهز المعاليق؟

شي تبيه وحظك اللي يرده

الصبر ماينفع ولاعدت أنا أطيق

والهم في صدرٍ ضعيفٍ يهده

هم ن يمزق داخل الجوف تمزيق

من واحد ن يا كيف بيّح بسده

عزي لقلب ن دايم الدوم في ضيق

لا شاف عز ولا لقى من يمده

مليت انا مليت من كل تدقيق

ياليت يفهم يوم واهديه ورده

سبحان من يرزق جميع المخاليق

رب ن كريم ن كلنا تحت يده

لو هي على ماقيل فزعة مطاليق

لا أزهم رجال في اللقاء مستعده

ربع ن تشوش وتعرف السلم وتعيق

ماهي بزمرة شله مستبده

يقطعك يا حب ن بليا توافيق

لا صار عشق الخل ماهو بقده

الحب ماهو حب من دون تشويق

واللي زرع يجني ثمار المكده

ماينفعك لاصار كله تلافيق

وش عاد لامنه يوصلك حده

ياكيف بسمح للذي نشف الريق

وأنا مع العذال والوقت ضده

ماقول غير أسمع كلام ن بك يليق

الحب في صيفك تولاه برده

هاذي حياة الناس من دون تفريق

عزي لمن هو دمعته فوق خده

حسبي على وقت ن يسمى توافيق

وحسبي على الميلات والمستجده