بنت حايل اللي لها الزين معشوق

لله درك كيف تسحر عيونك

يا من ملكت بسحرها قلب مخلوق

خضع جمال الكون وأعلن فتونك

بنت حايل اللي لها الزين معشوق

تهتز الارض تقول ربي يصونك

زلزل جمالٍ فيك سطحي وأنا اروق

حتى السماء تطرب وتعزف فنونك

ترقص سحايب عشقها رعد وبروق

الزين ما يحتاج شارة متونك

وتاج الجمال بقمة الرأس من فوق

يا كثر ناس من الملأ يحسدونك

ما لوم أنا حاسد نظر عين غرنوق

هاذي يديني ياهوى البال دونك

بمدها لك يامنى خاطري شوق

وتحس في مشتاق يعشق جنونك

عشقٍ تعدى كلمة العشق ويفوق

يطيب لي جني الثمر من غصونك

ولا صرت راضي بي فلا هو بمسروق

من غبت والدنيا ولا شئ دونك

صارت ظلامٍ دامسٍ ما له شروق

الله يخون القلب كانه يخونك

من صرت ملكه ما نوى يوم بالبوق

بصبر على جورك وبخفي طعونك

عساك في لحظة وفا يوم بتوق

أنا أشهد أنها صدق تسحر عيونك

والموت لا من سلهمت جاني العوق