يالله ياواحد ولا غيره يمون
يارازق الانسان في كل ديره
ياللي بكلمة كن غصب يكونون
يالواحد المعبود مافيه غيره
تفزع لمن هو يسهر الليل مغبون
على ولد عمه عيونه سهيره
طيب رحل من بعده الكل يبكون
راعي الكرم والجود مكرم قصيره
فرحان يا ساس الوفاء فزعة وعون
ابن الهليل اللي يدوس الخطيره
ياصاحب الفزعات والناس يدرون
كلمة نعم فاله على كل سيره
يامدور العليا وبالعز مفتون
ياشامخ رغم الظروف المريره
من نسل قوم ن مارضت يوم بالهون
اهل الشجاعه والكرم والجويره
يارب ياخالق عبيدك يعبدون
ياغافر ذنوب البشر لو كثيره
انك تغفر ذنوب من هم يصلون
وفرحان واحد من جموع ن غفيره
وبجنتك يارب ياخالق الكون
يسكن مع من هم وجيهٍ سفيره
لو بكتب الاشعار والقاف موزون
ما اظن توفي فيه الأبيات الصغيره
الله يصبر من لفانا يعزون
ويشفي نفوس من المفارق حسيره
لو كل خلق الله في يوم ينسون
ما اظن بنسى والخساره كبيره
ويبقى غلاه بداخل الصدر مكنون
تحت الضلوع العوج ببني سريره
دامه تعدى ظن من هم يظنون
وشلون ماتدمي قلوبٍ فطيره
لاهان من عدى على اللي يعدّون
ولا هان من بعده يقود المسيره
أولاده اللي للمراجل يفزون
عسى تكون دروبهم مستنيره
وصلاة ربي عد ماهلت مزون
على شفيع الخلق يوم السعيره
0 comments:
إرسال تعليق