جريت صوتي تالي الليل بآهات
مثل الاسير بديرة مادري به
من سمع وناتي يردد سلامات
ماحد درى في شاب قرب مشيبه
أكن في صدري من أسنين كلمات
أريد أوضحها ولو هي صعيبه
من شان زوله تايه في متاهات
غريب دار وبعدي أكبر مصيبه
اتعبت نفسي بالسفر والمهمات
وظنيت أنا كل التعب ذا يجي به
لاشك جازاني حبيبي بهفوات
وأقول في نفسي عساها غريبه
وأثر الاكيد أنه تغير بلحظات
ومن خان في عهده فربي رقيبه
ياكيف أنا متعب حياتي بهقوات
حبه لغيري والشقى لي ضريبه
وأرحل على ضحكات من كان شمات
وقلب تولع فيه ربي حسيبه
ياعل حظ ساقني يمها مات
يقطعك ياحظ حرمني القريبه
مافات مات ومابقى لي مسرات
وبخفي جروح في الضماير عطيبه
ماقول لك ياصاحبي غير هيهات
أرجع لماضي وقتنا وأحكي به
0 comments:
إرسال تعليق