شريحتك ماهيب مثل الشرايح

ياحي هالصوره و يا حي هالراس

من غيرك اللي . يستحق المدايح

لو كان ما انت ب طيّب الاصل و الساس

صامت عن بيوت القصيد القرايح

تخيّر من اللول و اخذ من الالماس

شريحتك ماهيب مثل الشرايح

وتنفّس من الدُر عن ضيق الانفاس

دُر البحر ماهوب . در المنايح

ان كان حبك مايداريه الاحساس

اخطيت من غر المزون الروايح

غلاك ثابت بين . محنْي الاقواس

يكسر قيود الأنظمه و اللوايح

عسى العوافي تتقيبك عن الباس

و عليك ماتذرف دموع النوايح

مجدك مخلّد من هل الدرع و الطاس

يوم الجناايز ما تعرف الضرايح

لا غاروا بشلفٍ مثل روس الامواس

اتبعّج بطون المهااار اللقاايح

وقفاتهم دون الشناح ام الاجراس

لا سال دم الاوعيه و الصفايح

تغني عن اللي يدْعي كثر الافلاس

و عن شرية الخسران يوم الربايح

وطيبك . تعاليل العرب عند الاوناس

لا ملّوو من الشعر ولا النصايح

وكرامتّك مثل الترف عقب الاتعاس

لا كٌبلت بعض اليدين الشحايح

من كثر ماتذبح توثمَة  بالناس

ماغير دوب يحصلون الذبايح