بين ضلوعي نار نار وهمهمة خيل
واسوار باقي مدينه هدموها
تطفي قناديل واولعها قناديل
فرحوا بقمراي والصبح اجحدوها
ياليل بين سواد الوجه ياليل
طعنة غدر سود الله وجه ابوها
ان دلبحوا في خفيات المداهيل
ارقى مراقيب ما والله رقوها
ماهمني صدت اشباه الرجاجيل
خوه بمصالح وحاجات وقضوها
اطهر ثرى ماتدنس من هل الفيل
من ابرهه والجيوش اللي غزوها
سبحان ما آمرك ياطير ابابيل
عصف تآكل نهاية من نصوها
والا انا يامكثرت الاقاويل
يامنقلين العلوم وصدقوها
متلولحين الانوف التبع الذيل
المدعين المراجل وابتلوها
الماجنين الرعاديد المناكيل
هفوات قبح الذنوب وحللوها
امطر لهم مزن وكفوفي لهم سيل
وردوا مكارم عطاي ونثروها
وضحكة حجاجي يالاخساس المصاطيل
ماضرها فروخ ماقدروها
انا مكاني مع شرابة الهيل
طوال الشناب واليا كبرت قضوها
عزاز بالقوم الافذاذ المشاكيل
المحتوين المكارم كل ابوها
ياشوق هذي علومي بالتفاصيل
بكرا تشوفين لا منه سمعوها
الله وكيلك تعبت ولا بقى حيل
هقوات كانت ولكن خيبوها
0 comments:
إرسال تعليق