يارب ياعلام كل السراير
ياواحد ن ما خاب من هو رجاء فيه
هون على عيون ن تفيض العباير
قلبي مريض ن ولا بقى من يداويه
ياجنة الفردوس لا جاك زاير
يطلبك بيت يسكنه لا ترديه
جاك الكريم اللي به الطيب ناير
عادة أبوه وجده الطيب شاريه
عزالله انه من كبار الخساير
ما لوم عين ن تالي الليل تبكيه
يبكيه صف أدلال بالهيل فاير
وبعد موت فرحان ناره تعزيه
ويبكيه من دربه على الحق ساير
حيثه مع درب العداله مخاويه
انا اشهد ان الموت بفرحان جاير
ليته تمهل يوم قرر يناديه
انا اعترف بالحق والحق صاير
والموت كل الناس لازم تلاقيه
لكن مع الغالين تلقاك حاير
تقول قول ن خارج ن عن معانيه
وصلوا على محمد رسول البشاير
نبينا المرسول لا حل طاريه
0 comments:
إرسال تعليق