لي كم عام وخاطري ماهو بطرب
كن بيني وبين السعاده حرايب
قل المنام وقلة الزاد والشرب
ذي الثلاث لشين حالي سبايب
بخير لين تميل الشمس للغرب
وليا اغربت تدفع عيوني ضرايب
اقول تو الليل واثر الفجر قرب
مهوجس ودموع عيني سكايب
اشتقت للي ماعلى وصلهم درب
وقبورهم ركزت عليها النصايب
فاقد محازم عز فالسلم والحرب
وببطي وجرح الفقد ماهو بطايب
يارب تسكنهم بجنتك يارب
وتعين من قلبه من الشوق ذايب
0 comments:
إرسال تعليق