لمشاهدة كل حصري موقعنا
اشترك بالقناة
تويتر
انستقرام
فيسبوك
سناب
ياصاحبي موجز كلامي اذا جاك
افهم مضامينه وخذ منه لبّه
ترى صديق اليوم ينْظر لمخباك
يعني صداقة زيف ماهي محبّه
لاصار جيبك خاليٍ ويش يبغاك
يجفاك لامنّه خذا عنك نبّه
ان كثْر مالك جابوا الناس طرياك
لو يذكرونك مالْحقوك المسبّه
وان قلّ مالك قامت الناس تشناك
قالوا فقير المال وش له نطبّه؟
صح الفقر يزْرع على دربك اشواك
دايم وراعي الفقر محد يحسبّه
لكن ترا بيّن لنا امور تخفاك
اسأل مجرّب والفقر قد لعبّه
بين قرومٍ تعشق الطيب شرواك
رجم المراجل كل منهم يذبّه
وبين رخومٍ جعلهم فدوة احذاك
في عرفهم ما حصّل الجرح طبّه
هذا كلامي وافهمه لا عدمناك
افهم مضامينه وخذ منه لبّه
0 comments:
إرسال تعليق