احسب اني فيك ابلقى شي غير
ماهو بشكلك لاوالله بالصفات
قلت يمكن بينكم فرق(ن)كبير
واثر هذا طبع في كل البنات
اختلاف(ن) بالشكل بس الضمير
كلكم في هالصفه متشابهات
عزتي للي بكم جا يستجير
من جفاكم والسنين الشاحبات
يتعب العاشق وراكم بالمسير
والظماء يجرح شفاته واللهات
يحسبنه لالمح لمع الغدير
بل ريقه من بعد طول الشتات
واهتنى بالشرب والزاد الوفير
واستراح من السهر في المقبلات
والحقيقه ماورا الغرو الغرير
غير سج الرجل خلف المقفيات
والتعب ومصارع الهم الشطير
والجري خلف الوعود الكاذبات
ياطواويش اسمعوا قول النذير
واحدِ جرب وجاكم بالوصاة
غاص يبغا الدر فالبحر الغزير
خاطر بنفسه وشاف المهلكات
ثم رجع من رحلة الغوص الخطير
احذروا ياهل القلوب الغافلات
لاتغوصون البحر مافيه خير
من يغوصه لايأمل بالنجاة
دون محاره شواذيب(ن) تذير
تفتك قلوب الرجال القاسيات
