شرهتي والله على البشت الحساوي
ماعلى اقزام العرب مني ملامه
خاب ظني فيه مقطوع الرجاوي
يوم صدقته تغير في كلامه
طاح من عيني ولاطاح متساوي
طيحة منها يبا يبطي مقامه
والله اني كنت احسب انه نداوي
ماهقيت انه يبا يطلع حمامه
غرني معسوله هرجه بالشفاوي
واللباس وسكبته والابتسامه
في المجالس كنه بخيت العطاوي
في زمانه لا ثنا دون الجهامه
بالعلوم وبالسوالف والدعاوي
والوهوم الي توهمها وهامه
وان رجعنا لصحيح الدو داوي
ماوراه الا الضعافه والرخامه
اثر بعض الناس مافيهم مراوي
مابهم حشمه ولافيهم شهامه
من ردا الرديان كاسيهم كساوي
ليت في وجه الردي وسم وعلامه
ابتلتني فالزمن كثر البلاوي
لين حدتني على ريع الندامه
مالقيت لجرح قلبي من مداوي
ماله الا الصبر يالله بالسلامه
