وش ذنب من حبك على غير مشهاه
تجرح خفوقه بالجفا وانت خله
مافيه شي في حياته تمناه
ياكود وصلك والوصل ماحصله
يمرني طيفك مع جرة الاه
ويقولي (ناسيه) واقول (لله)
واقوله لاحتجت له وين بلقاه
ويقولي روح وتلقا محله
غالي واحبك بس لك قلب م قساه
وشوقي عليك بذمتي دون مله
وقلبي على كثر ان ماقلبك ادماه
ألقاه من زود الوله رايحن له
اهب ياذ الحب شف وين وداه
قلبً شجاع ولا يعرف المذله
من عقب ماحاس الزمان وتحداه
اقوله يطعنك .؟ ويقول خله
لكن ياللي كل ماقلت بنساه
ارجع واقول ان قلت بنساه زله
من كثر ماقلبي من غيابكم جاه
عندي سؤال وخاطري بك تحله
(وش ذنب من حبك على غير مشهاه
تجرح خفوقه بالجفا وانت خله..؟)
