جيت الطبيب اللي على القلب مختص
ابيه يعمل لي على القلب تشخيص
ثم حط سماعه على الصدر قال اص
اسمع لي بصدرك حساس ووصاويص
نبي نسوي لك اشاعه ونفحص
ونمحص اللي داخل الصدر تمحيص
سوى الاشاعه قال ياصاحبي بص
لا يدخل بقلبك احد دون ترخيص
لقيت في قلبك مواطي قدم لص
والقلب مقصوص من الصدر تقصيص
وانته عن اللي سارقن قلبك ابخص
قلت ايه داري به وعن وضعه ابخيص
هذاك ما يرخص لو الناس ترخص
وانا بعد عنده ترى ماني رخيص
بيني وبينه قلبي النص بالنص
لا والله الا كله بدون تنقيص
يرص ويوزع واقول امش ما اقص
مافيه تكويشن ولا فيه تخبيص
مادام هذي علتي ياطبيب اص
مانيب في حاجة علاجن وتشخيص
