يا هاجسي قم راح وقت الرقادي
قم واشحذ الهمه وعد العتادي
ازهم حروفي والقوافي وعجل
هذا الوطن بين الحنايا ينادي
ضمه على صدرك وبيديك زمل
واسقه من عروق الغلا والودادي
واخفض له الجنحان ذلن يبجل
موطن حضنا وسط حجره وجادي
لين استوى غصن المحبه وميل
والله ماضاق الصدر يا بلادي
انت الخفوق اللي بصدري تمثل
ماقبلك الا الدين نهج اعتقادي
حبه وحبك ثابتن ما يبدل
هذي المبادي ثابتاتن عمادي
يالله تهديني وبمرك تجمل
مواقفي يارب ياخير هادي
واليوم وين اللي نهجه يطبل
نذرن علي ماليم الاعادي
كلن روحه فوق كفه يأمل
انه يبيع الروح بارض الجهادي
يقبل على حوض المنيه يهلل
والجيش مثل الحر وقت الهدادي
يشلح مقانيصه ولا هو يعجل
يقصف ملاعين الثوا والتمادي
اهل العقول الساذجات المهبل
بنار تخلف من جثثهم رمادي
والحوثي الملعون كيف يتسلل
ياكيف يجهل وقفت اهل المبادي
اللي يجبونه ذليل مكبل
ذله مطامع شيعي وفكر صادي
ياهاجسي قرب سلاحك وكمل
الموت من دون الوطن هو مرادي
لا تزهم القيفان لا لا تمهل
ناد الخفوق يجيك يحداها حادي
ياتيك يعدون بالخيل المبجل
ماهو لوحده بين غبر الجيادي
تقبل مثل سيل بوادي يسيل
لجل الوطن دون من صوته ينادي
الموت لجله صار عنبر وكادي
وش عادلي ياهاجسي بالرقادي
