استانسي بالبعد دامك طلبتيه
اليوم حد الله بيني وبينك
يابنت قلبي بالمحبه خسرتيه
لاتسئلين اليوم يابنت وينك
اخترت دربآ في يدينك رسمتيه
واقفيت ويديني برجوى يدينك
لو كان قلبي من خفوقك عشقتيه
ماسال دمعن لي على راحتينك
اغليك لكن وش بقى ماكسرتيه
كل شي فيني منكسر في يمينك
حتى شعوري في غرامك خذلتيه
يابنت انا اكثر شخص فاقد حنينك
ماقد شكى قلبي كثر ماحرمتيه
على كثر ماطاح قدام عينك
واليوم من عقب المحبه رميتيه
ماكنه اللي ياغرامي رهينك
لكن طريق البعد دامك بغيتيه
بقول جمله والبقا في سنينك
لاهانك الله في خفوقن قتلتيه
والله على كثر الوجع لا يهينك
