ماكل مايجرحك للناس تطريه
ولآ كل غالي ياولد تشتكي له..!
هذا الزمن ياخوك مكثر بلاويه
فيه الخليل اليوم يجرح خليله..!
وفيه : الذي مثلك بليا توصيه
يشيل عنك الكايده / والثقيله..!
احيه ياجرحي ويادمعي أحيه
ضاق الصدر والقلب ياعزتيله...!
من كثر ماصرت انزف الوقت وابكيه
معادلي في ضيقت الصدر حيله...!
ضاعت حياتي بين وشلون ياليه
وراح العمر : واللي بقالي قليله..!
حتى : الهنوف اللي لها القلب مهديه
اللي تساوي في عيوني قبيله..!
من عقب عشرة خمسة اسنين ياهيه
صارت لغيري (يارفيقي ) حليله..!
مير التفت لي وسمع العلم تاليه
مآدآمت احلآمي : بعيني قتيله..!
تكفى ليآ من : مت سري تداريه
عن بعض ناسن حقدها لي تكيله..!
وان شفت منهي (هاجسي ) ماتخليه
ام العيون الناعسه والكحيله...!
قلهآ : ترى اللي مآت هذي خطآويه
وهذي كتاباته قبل كم ليله..!
وهذا ترى شالك : عجز لآ يخليه
له سبعت شهورن بدينه يشيله...!
وهذا مكانه كآن مآكنت ناسيه
لا ضاق من بعض البشر يلتجيله..!
وهنآ: هجوسن لك يجيبه ويدعيه
كل مآرحل هاجوس جاله بديله..!
وكآنك : تحبينه ولك قلب يغليه
طالبك طلبه يالمهره الاصيله..!
تكفين : يابنت آلآجآويد بيحيه
ترآه : قآل (آسمك ) قبل مآنشيله..!
