يا مل قلب من هوى الخل مجروح
يوم المحبه جرح .. وين المداوي ؟؟
يوم المشاعر برد .. وبقلبي الفوح
يوم الظلام الصد والشوق ضاوي
يوم المحبه غير من داخل الروح
يوم العيون تشوف والكف خاوي
يوم إن عزمت أروح وأزريت لا أروح
يوم المحبه درب يطويه طاوي
يوم العيون تهل بالدمع مسفوح
يوم أسرفت نفسي بكثر المناوي
يوم نصيت القلب والباب مفتوح
دونك معاليقي و أنا بك غناوي
فرشت سجاد الغلا شوق مفضوح
وشبيت ضو الحب والجمر كاوي
واليوم بان الصد لين أنطفى الضوح
لين أظلمت دنياي و الحيل هاوي
لا يا هوى قلبي كفى قلبي اجروح
ما عاده لطعن ات صدك بقاوي
لزاد صدك رح وتلقاه مذبوح
في ديرة يغدي الهوى بالهواوي
خذ من بقايا دمه وأكتب على اللوح
مات الغلا بيدين صد النحاوي
عسى الندم يسكب مع نبرة النوح
تسقي بها زهر المحبه دعاوي
