ماهي غريبه تطعن بقلب مغليك
لا والذي سواك ماهي غريبه
بس الغريبه قلب مغليك شاريك
من فوق طعناتك يعدك حبيبه
في ذمتك بسئلك ربي يجازيك
عمرك رايت جريح يعشق صويبه
شفت الغريبه يامعذب بغاليك
شفت المصيبه كيف ياهي مصيبه
رغم العذاب اللي جنيته من يديك
قلبي يحبك يادواه وطبيبه
ورغم الدموع الي بهالعين تبكيك
انت الوحيد اللي لشوفي قريبه
ورغم الالم والجرح وكثرت بلاويك
تبقى عطر قلبي ونبضه وطيبه
بالمختصر اهوآك : واموت انا فيك
واللي تبي تسويه سوه وجيبه
حتى لو ان الموت في راح كفيك
والله لاضمك مثل ضم الشطيبه
ياصاحبي بقولك شيء وبغيك
تفهم كلام اللي يعدك نصيبه
ماهي غريبه تطعن بقلب مغليك
لا والذي سواك ماهي غريبه
بس الغريبه قلب مغليك شاريك
من فوق : طعناتك يعدك حبيبه
