يا بو علي وش حيلتي لا اقبل الليل
كون أتباشر بين ركعه وسجده
أخاف شين الحظ والا ردى الحيل
و أخاف هم ّ يقطع القلب وجده
والا الردي لو كال ثم طفف الكيل
ما يسمن العايل مكايل مجده
والدله اللي بهرت بالردى هيل
ما جاد صباب الردى كون وجده
صبح الفرج ياتيك مثل أبلج الخيل
بين الخيول الدهم ما خاف هجده
ما أدري أوجه صوب الأهرام والنيل
والا رياض العز شامخ بنجده
وأنا على الله واحد يعدل الميل
الرزق بيده و المفاتيح سجده
