عطني غلا واعطيك عز وكرامه

لاصرت احبك موت وتحبني موت

ليه التغلي والعتب والملامه


خل العذول يموت في وسط تابوت

وقلي احبك لين يوم القيامه


اكتبلك ابيوت الشعر طعمها توت

واعطر ابيوتي بريح الخزامه


عشان لامن جتك لايمكن تفوت

تشرب بيوتي واتعطر كلامه


ياللي ملكت القلب في بحة الصوت

ارحم حبييك لاتزود هيامه


زينك سحرني بالغلا سحر هاروت

وعلى جميع البيض عندك زعامه


دولة جمال ومملكة حسن ياقوت

صاحب فخامه حب صاحب فخامه


تعال خل الحاسد بحقد مكبوت

ويدس راسه فالرمل كالنعامه


لاصرت احبك موت وتحبني موت

عطني غلا واعطيك عز وكرامه