اهديك ثمانية اوراق | ممدوح العضيباوي

 

اهديك ثمانية اوراق | ممدوح العضيباوي

( ورقة أولى )

 

قلت اطفي النور احسن .. ما اشوف وجيهٍ .. من امس رحلت ..

واطلع ..ب آحدى ( الزوايا ).. بصالة

( الشقه ).. الحنينه ..

اقفل جفوني .. على عيوني ..

واغادر.

..

..

- اتجهت لياس روحي ..

.. وغيهب عروقي .. معايا ..

.. بكل فضا نفسي مغادر ..

عن فضا موحش كئيب ..

..قلت : ابرحل ..

.. كالغدير .. بـ ( قيض ) يرقى .. للسما ..

.. بعد .. مامل انتظار .. بأرض ..

.. ناسيها الطريق ..

.. ماتوضا شوق ( صدره ).. ريق ( طرقي ).. بيوم عابر ..

.. ولا ( قطا ).. مره نهار ..

.. ولابعد .. مره ( يمام )..

.. ماتنفس بالنسيم .. عيون ظبي ..

.. وعوي ذيب ..

.. وراح يرقى .. للغمام ..

..

..

 

( ورقة ثانية )

 

( انتشقت ).. ( بنظرتي ).. كل المكان ..

.. والزمان اللي .. رسمني .. للـ ( زمان )..

.. انتشيت ( اوتار ).. صمتي .. من الصبا ..

والصبابه ..

.. بالجواب .. وبالقرار..

.. ارتميت .. بخطوتين .. داخل .. ( اللج الرمادي )..

..خطوتين ..

.. و ... صاح .. قلبي ..

.. وين رايح .. ؟؟!

.. قلت : اغادر ..

.. قال : ارجع ..

../ ارجع افتح شقة الخاطر .. عليهم ..

.. اشعل انوار النواظر .. بين اديهم ..

بس عليهم ..

.. سلم الليله .. ومسي ..

.. لاتغادر .. لاتغادر .. لاتغادر ..

..

..

( ورقة ثالثة )

 

.. ارجع .. بضي المكان ..

.. للعيون .. اللي ( غلاها ).. مايهاجر ..

.. للوجيه .. اللي ( اتربع ).. بالمحاجر ..

.. و .. ( الاسامي ).. اللي .. على لسانك .. ( طرايا )..

.. لا طرتلك .. وانت فيها .. ( تستدير ).. ولا نسيت ..

.. تنصهر .. في ( غرفة ).. ( الغربه ).. ( صرير )..

وتستثير ..

.. رغبة .. ابواب السؤال .. المعرفه ..

.. وان كتبت اللي قريت .. ولادريت ..

فلسفة , لحظه ..

تمحض بالشعور .. او ..

.. شعورٍ .. ( يرتبك ).. بين الاسامي .. فلسفه ..

.. ذاك ..( ثامر )..

.. بأول انفاسك .. ( صهيلٍ ).. فوق خيل ..

.. وآخر التوديع .. عطفٍ

.. ( ينفي ).. دموعه .. تسيل ..

.. وآه ..

.. و .. ( اعزيز ).. ؟!..

.. من اللي .. يفقد الثاني .. ( اخو )..؟!!

.. في عيونه .. لاتمادى .. تكتشف ( حزنك ).. شدو ..

.. و ابلغ اللي يعرف احساس الغريب ..

.. بغربته ..

.. وصحة الاسما .. ب( غريب ).. اقرب نصيب

و حمل الايام .. ان توازا ..

.. ينهض .. ( بشير )..

.. يشيل ..

كل صدرٍ.. ضاق ( حمله )..

بأتساعه .. مايميل ..

وللطفوله ..

والبرأه ..

عمر آخر .. بالبشر ..او .. تصدق ..؟!!

.. ماتلوق .. الا ل(بدر )..

.. مهما كبر ..

..

..

( ورقة رابعة )

 

.. لاتغادر ..

.. لاتغادر..

.. ارجع بنبض الحنان ..

.. بخافق الشقه الأمينه ..

.. وين رايح ..؟!

.. منت ( سايح ).. يكشف ( رموز ).. المدينه ..

.. والمناظر ,

.. منت ( وافد ).. يحفظ الوان المطاعم ..

.. و ( المخافر ) ,

.. لاتغادر ..

.. (.........) ..

.. بزحمته , فارغ ,

.. و شاغر ,

.. ماتضمك .. كل مبانيه .. الكثيره ..

.. والعماير ,

.. ماتعرفك فيه ناسه ,

.. والشوارع ,

.. والمنابر ..

.. لاتغادر .. لاغادر ..

..

..

( ورقة خامسة )

 

.. ارجع لعشقٍ .. ثمل , حد الهيام ..

.. صاحي الود .. بعيونك , ماينام ..

.. ثرثرة ( حزن ).. بجلوسك , والقيام ..

.. وش تناظر .. ؟؟!

.. واضح بوجهك .. مثل ضحك ( الصبايا ) ,

.. لا اتألم .. مثلما ( القدس العتيق )..

.. بوطي .. أبناء ( البغايا )..

.. لا تخون الصوت .. في قلبك ( )..

.. وتأمن .. ان ( الليل ) , ( ساتر ) ,

.. ينفضح ( بكره ) , كما اللي ..

.. خان ( بغداد ) , وهتكها..

.. و.. ( امتطاها ).. كل كافر ,

.. لا تغادر ..

.. ارجع .. لصدق الأخوه .. في ( حضورك )..

.. و المشاعر ,

.. مو مهم ( اجسادهم ).. غابت ..,

.. مع طول الطريق ,

.. مو مهم اصواتهم .. ذابت .. ,

.. بعد كلمة .. وداع ..

.. بس .. باقيلك ( حنينٍ ) ..

.. مايسافر ,

.. يشتعل بغيابهم .. , .. مثل الحضور ,

.. وينشرب بحضورهم .. ( فيٍّ ).. و .. نور ,

.. باقي ( هنيا ).. من ( ارحام ).. السهر ..

.. ليلٍ .. ( حشيم ) ,

.. بجلسةٍ .. كانت .. ( حميمه )..

.. تهمس الشوق .. اليتيم ,

.. انسكب ..( سر ) , ارتوى .. سر ..

.. ( بعتيم ) .

.. فاض بحرٍ .. يفرد بصدرك .. شراع ,

.. ( يرتل ) , ( الرمل ) , ( النفيض )..

.. بكل ( غيمه ) .

.. تغرد الأنفاس , واحساسك , يهيم ..

.. كان وجهك , واستماعك , صادقٍ ..

.. عكس المرايا .

.. لو تغادر , منت قادر ..

.. لاتغادر ..

..

..

( ورقة سادسة )

 

.. لاتغادر ..

.. المس .. ضلوع .. ( المراكي ).. والدفاتر ..

.. سولف .. اوزان القوافي .. و.. ( المآثر )..

.. جرد .. اسفاف .. ( الروايات ).. العرايا ..

.. لا تغادر ..

.. ( استخر ).. عن خطوة الليل .. الرتيب ..

.. عن قريب ..

.. رجوعهم .. صدق .. قريب ,

..

..

( ورقة سابعة )

 

.. قلت : اغادر ..

.. قال : تقدر .. ؟!

.. قلت : احاول ..

.. قلت احاول .. امحي الذكرى , بـ (مزامير ) ,

( الزحام ) ,

.. امحي الذكرى .. بـ ( إشارات ) , ( الرحيل )

.. يمكن انسى ..,

.. بـ ( انعطافات ).. الحياه .. ,

.. يمكن انسى .. والزمن طبعاً .. كفيل ..,

.. قال : لحظه ..

.. لاتغادر ..

.. ( ارشف ) .. ( العذر ) .. الاخير ..

.. قلت : لكن ..............

.. قال : لحظه .. اقعد .. ب( صدر ).. المكان ..

.. بصالة الشقه .. الرزينه ,

..

..

.. ( شوفهم ).. ردوا ( خزامى ).. للربيع ,

.. ولل( نفل )..( هلوا ).. نسيم الصبح .. غير ..

.. ومرحبا .. ( النويّر ).. ( ذعذاعة اعصير )..

.. والكفوف .. طيور .. من كفك .. على كفك .. تطير ..

.. ردوا .. ( أخضر ).. من حنينك .. واشتياقك .. بالغياب ..

.. ردوا .. نجومٍ .. تعدك .. شاخصٍ .. مثل .. العتاب ..

.. صدورهم .. ردت .. ( مضايف )..

.. والفوانيس .. ( النفوس )..

.. نكهة ادلال ( الشمالي ).. في ( نباهم )..

.. وريحة الهيل .. بنفسهم .. تستحيل ..

.. والسوالف .. من ولهّا .. ( تروحن ).. الغربه .. ( وطن )..

.. قلت : فعلاً .. لحظة الغربه .. ( نوى )..

.. همت انا .. بـ ( يومين ).. ليل .. ب لاضوى ..

.. غارق .. بـ ( ديجور ).. كوكب .. من صدى ..

.. وين .. ؟ مادري .. اوله .. من اخره .. ؟! ..

.. ماله مدى..

.. سرمدي .. من غير كون .. ولا هوى ..

.. لحظة الغربه .. ( سنينٍ ).. من عذاب ..

.. غنوة الغربه .. انينٍ .. ب انتحاب ..

.. لوعة الفرقا .. ضياعٍ .. ب اغتراب ..

.. وانسحاق الروح .. طول الانتظار ..

.. وانتظار ب لاوعد .. يعني انتحااااااااار ,

..

.. وأأأأه .. ياحزن الغريب .. اعن الوطن , في ( موطنه ) ,

.. ( حزن ) , لاصار الوطن .. عنك غريب , و ينكرك ..

.. وتصبح الغربه .. وطن .. مثل الصيام .. وتشكرك ,

.. تصدق .. اني بموطني .. ( منفي ) , ( غريب )..

بـ ( داخله ) .

.. موطني .. ( عشرين عام ) , يمرني , مثل الغريب ..

.. ( ينتبذني ) , موطني عشرين عام , واحضنه ,

.. ما اصدق .. !!../

.. ماعرفني .. من بعيد .. ومن قريب ,

.. ما اصدق , ما اصدق ,

.. ( صحت ).. انادي , يابلاااااااادي ..

.. التفتلي ..

.. ابتسمت ..

.. اغتاض وجهه , واستدار ,

.. يابلاااااادي , ياحبيب , ما اصدق , لاتغيب ,

.. يا.. ( مهادي ) , يا .. بلادي , لك ( فؤادي ) ,

.. وماسمع .

.. قلت يمكن .. غيروا ( اصحابنا ).. معنى الوطن ,

.. يا .. عضيدي , يا .. نشيدي , يا عشيقي ,

.. ما سمع ..

.. يا .. ( كذا ) , يا .. ( ابن ).. الكذا .. يا خو ... ال ,

.. وماسمع ..

.. و .. ( احترقته )..

.. و .. انتها .. بكل ( اختصار ) ..

..

..

( ورقة ثامنة )

 

.. و .. قلت اغادر ..

.. اطفي انوار النصيب .. اعن السنين ..

.. بخطوتين .. احسن ..

.. اغادر ..

.. ولا .. اشوف .. ( وجيهٍ ) .. من امس ..

.. ر .. ح .. ل .. ت