بالله يا راوي عن العلم مكذوب حرقت قلب شفق بعلوم كذاب
بالله يا راوي عن العلم مكذوب حرقت قلب شفق بعلوم كذاب
ونقضت جرح قبل عامين مرتوب
وهقتني واغلقت من دوني الباب
واحييت جمر القلب من عقب ماهوب
مقفي وذكرته طواريق الأحباب
ذكرته اللي دونهم كل منكوب
من دونهم درب تلوى كما الداب
ناس غلاهم بالحشا صار مصيوب
لو زاده الفرقا مع الوقت ما ذاب
مواضيع مهمة
اخص منهم دمث الأخلاق رعبوب
هو نظرتي من بين تلعات الأرقاب
كني بزوله يوم شفته مكروب
وهو من الجزعه ولوع ومنصاب
ودع بدمع العين ماباح يا دوب
كلمة وهي لي وضحت كل الأسباب
اسباب شي كل ما صار مكتوب
وما قدر الله مالنا عنه مجناب
حظ ربض في صاحبه دون ماجوب
والحظ ما يوخذ ابعجرا ومشعاب
بس اتمنى اني مع الطير والوب
واجلي صدى كنه على الكبد تيزاب
يوم ألتفت الاي غادي ومنهوب
والراس ما جيت لثلاثين كد شاب
شكيت لله ثم روحت مندوب
للطيبين اللي يفكون الانشاب
ربعي الا منه هبا كل مذهوب
ما جنبوا عن مايل الحمل هراب
عيال على عيال جمره ولاهوب
والشايبين اللي للمجد خطاب
اشرح لهم سري ولاهوب محجوب
وقل للفهيم اللي عن الجمع ما غاب
عمي لجدي وأن تعزويت منسوب
حر تعلا له على راس مرقاب
ضاري على الطولات للخصم حاطوب
ينهر ويشهر له مع الجو مخلاب
يابو فهد ذي مشكله وانت محسوب
عله ولا ينفع بها نصح وعتاب
ومنك اتحرى زين الأخبار مجلوب
مانيب من مردود الاقراب مرتاب
عجل علي ورايك العدل مطلوب
مثلك خبير ويضبط العلم بحساب
0 comments:
إرسال تعليق